PISA-2025

1 сәуірден бастап Қазақстан Республикасында PISA-2025 Халықаралық зерттеуі басталды. Қазақстан бұл зерттеуге 2009 жылдан бері қатысып келеді, ал 2025 жыл – алтыншы цикл болып табылады. Зерттеу әр үш жыл сайын өткізіледі және әр циклде негізгі бағыт анықталады. 2025 жылғы зерттеудің басты бағыты – жаратылыстану ғылымдарының сауаттылығы.
Сонымен қатар, әр циклде инновациялық бағыт қарастырылады. Биылғы жылы бұл бағыт «Цифрлық әлемдегі білім алу» (Learning in Digital World) болып таңдалды. Бұл зерттеуде оқушылардың браузерлер, виртуалды зертханалар және мектепте де, одан тыс жерлерде де қолданылатын басқа да цифрлық құралдар арқылы өз бетінше білім алу қабілеті бағаланады.
Қостанай облысынан 37 білім беру ұйымының 15 жастағы оқушылары қатысады. Оның ішінде 33 мектеп пен 4 колледж бар.
Қатысушыларға халықаралық деңгейде жоғары нәтиже көрсетуіне сәттілік тілейміз!

Previous IT Skills 2025: цифрлық мамандықтардың болашағына қадам

Қостанай қ. Гоголь көшесі, 75

Время работы

Жұмыс күндері 9.00-18.00 дейін